ҚР президенті ЕҚЫҰ саммитінің Астана декларациясының қабылданғандығы туралы жария етті
ҚР президенті Нұрсұлтан Назарбаев бүгін ЕҚЫҰ саммитінің Астана декларациясының қабылданғандығы туралы жария етті, деп хабарлайды Kazakhstan Today агенттігінің тілшісі.
Астана. 3 - желтоқсан. Kazakhstan Today - ҚР президенті Нұрсұлтан Назарбаев бүгін ЕҚЫҰ саммитінің Астана декларациясының қабылданғандығы туралы жария етті, деп хабарлайды Kazakhstan Today агенттігінің тілшісі.
"Ең алдымен сіздерге 2010 жылғы ЕҚЫҰ саммитінің қорытынды құжатын әзірлеуге және саммит декларациясын келісуге қосқан бағалы үлестеріңіз үшін алғыс айтамын",- деді Н. Назарбаев.
"Бұл құжат алдарыңызда. Делегация басшыларының қарсылығы бар ма? Егер қарсылық жоқ болса, құжатты қабылдауды ұсынамын. Қарсылық жоқ. Астана декларациясын қабылдау туралы жариялаймын",- деп мәлім етті елбасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.