ҚР президенті Отунбаеваны 7-ші Дүниежүзілік Ислам экономикалық форумына қатысуға шақырды
ҚР президенті Отунбаеваны 7-ші Дүниежүзілік Ислам экономикалық форумына қатысуға шақырды, деп хабарлайды Kazakhstan Today агенттігінің тілшісі.
Астана. 29 - наурыз. Kazakhstan Today - ҚР президенті Отунбаеваны 7-ші Дүниежүзілік Ислам экономикалық форумына қатысуға шақырды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Бішкекте Қырғыз Республикасындағы Қазақстан Республикасының Төтенше және өкілетті елшісі Бейбіт Исабаевтың қырғыз елінің Сыртқы істер министрі Руслан Қазақбаевпен кездесуі барысында екіжақты қарым-қатынастардың көкейкесті мәселелері талқыланған.
Б.Исабаев Р.Қазақбаевқа Р.Отынбаеваға арналған Нұрсұлтан Назарбаевтың жеке хатын табыс етті. Онда Мемлекет басшысы Р.Отынбаеваны Астана қаласында 2011 жылдың 7-9 маусымында өткізілетін жетінші Дүниежүзілік Ислам Экономикалық Форумына қатысуға шақырған.
Сонымен қатар, қырғыз елінің СІМ басшысына ҚР Мемлекеттік хатшысы - Сыртқы істер министрі Қанат Саудабаевтың Астана қаласында 2011 жылдың 28-30 маусымында өткізілетін ИКҰ СІМК 38-інші сессиясына қатысуға шақыруы да табыс етілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.