ҚР СІМ басшысы мен "Азиялық қоғамдастық" ұйымының кеңес төрағасы келіссөздер өткізді
ҚР СІМ басшысы мен "Азиялық қоғамдастық" ұйымының кеңес төрағасы келіссөздер өткізді
Астана. 13 маусым. "Қазақстан Бүгін" - Кеше ҚР сыртқы істер министрі Марат Тәжин мен "Азиялық қоғамдастық" ұйымының қамқоршылық кеңесінің төрағасы Ричард Холбрук "Қазақстан: Еуразия кіндігіндегі сауда және инвестиция" атты халықаралық конференцияға дайындық жайын талқылады, деп хабарлайды "Қазақстан Бүгін" агенттігінің тілшісі ҚР СІМ баспасөз қызметіне сілтеме жасай отырып.
"Кездесу барысында тараптар конференцияға дайындық мәселесін талқылады. Конференцияның негізгі мақсаты Қазақстан экономикасын әртатараптандырудың жаңа жолдарын іздестіру, экономиканың өсе түсуі үшін елдің инфрақұрылымын дамыту, республиканың инвестициялық жағдайын жақсарту болып табылады", - деп көрсетілген баспасөз-релизінде.
"Қазақстан: Еуразия кіндігіндегі сауда және инвестиция" атты ІІ халықаралық бизнес конференциясы Астана қаласында маусымның 13-14 жұлдызында өтеді. Оны ҚР үкіметінің қолдау көрсетуімен ұйымдастырып отырған "Азиялық қоғамдастық" пен "Келешек" қоры.
"Азиялық қоғамдастық" - Америкалық коммерциялық емес білім беру ұйымы. Мақсаты - АҚШ мен Азия-Тынық мұхит аймағының арасындағы өзара түсіністікке ықпал етіп, байланыстарды орнату болып табылады", - деп атап көрсетілген баспасөз-релизінде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.