АСТАНА. 31 октября. Kazakhstan Today. Кеше СІМ Қасымжомарт Тоқаев Қазақстанға жұмыс сапарымен келген Сауд Арабиясы Корольдігінің индустрия және сауда министрі Хашем бен Абдалла Яманимен кездесті . Бұл жөнінде СІМ баспасөз қызметі хабарлады.
Баспасөз қызметінің ақпараты бойынша, кездесу барысында тараптар екі жақты ынтымақтастықты одан әрі нығайту, атап айтқанда мемлекеттер арасындағы сауда экономикалық қарым-қатынасты тереңдету мәселелерін талқылады.
Өз кезегінде Х. Ямани Сауд Арабиясының ДСҰ кіру тәжірибесін ұсынуға әзір екенін мәлімдеді.
Осы күні СІМ Грузия елшісі Зураб Шургаияны қабылдады. Дипломаттар екі елдің ынтымақтастығы туралы әңгіме қозғады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР СІМ басшысы Сауд Арабиясының индустрия және сауда министрімен екі жақты ынтымақтастық мәселелерін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.