ҚР СІМ басшысы Тегерандағы Қосылмау қозғалысының саммитіне қатысады
"Саммит барысында ҚР СІМ басшысы Ержан Қазыханов Қазақстан атынан мәлімдеме жасап, өзінің әріптестерімен - делегация басшыларымен халықаралық ұйымның өзара ынтымақтастығы турасында екіжақты кездесу өткізеді", - деді 1tv.kz тілшісіне ресми өкіл.
Астана. 28-тамыз. Kazakhstan Today - Қазақстанның Сыртқы істер министрі Ержан Қазыханов 30-31 тамыз күндері Тегеранда өтетін Қосылмау қозғалысының саммитіне қатысады, деп хабарлайды Kazakhstan Today агенттігінің тілшісі.
Бұл туралы бүгін брифингте ҚР СІМ ресми өкілі Асқар Ибибуллаев мәлім етті.
"Саммит барысында ҚР СІМ басшысы Ержан Қазыханов Қазақстан атынан мәлімдеме жасап, өзінің әріптестерімен - делегация басшыларымен халықаралық ұйымның өзара ынтымақтастығы турасында екіжақты кездесу өткізеді", - деді 1tv.kz тілшісіне ресми өкіл.
Оның айтуынша, алдағы саммитке ел басшыларын, қиыр және таяу шетелдердің Үкімет басыларын қосқанда 50-ге тарта адам қатыспақ.
Қосылмау қозғалысы бақылаушылары мен делегаттар саны 150-ден асады. Саммитте халықаралық күн тәртібіндегі өзекті мәселелер, соның ішінде қарулы қақтығыстың алдын алу мен реттеу, жалпы халықты қыратын қару таратпау, тұрақты даму, әлемдік қаржы дағдарысының алдын алу мәселелері сөз болмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.