ҚР СІМ ЕҚЫҰ-ына төрағалық жасаушы "бестіктің" сыртқы істер министрлерінің кездесуіне қатысады
ҚР СІМ ЕҚЫҰ-ына төрағалық жасаушы "бестіктің" сыртқы істер министрлерінің кездесуіне қатысады
Астана. 26 мамыр. "Қазақстан Бүгін" - ҚР СІМ Марат Тәжин ЕҚЫҰ-ына төрағалық жасаушы "бестіктің" сыртқы істер министрлерінің кездесуіне қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Хельсинки қаласында 1-2-маусымда ЕҚЫҰ-ына төрағалық жасаушы "бестіктің" сыртқы істер министрлерінің кездесуі өтеді, оған еліміздің сыртқы істер министрі қатысады", -деді Е. Ашықбаев.
Оның айтуынша, "ЕҚЫҰ-ына қатысушы елдердің сыртқы істер министрлерінің Мадрид кеңесінен кейін ұйымға 2011 жылға дейін төрағалық жасайтын елдердің аты-жөны анықталды". "Осыған байланысты қазіргі төраға - Финляндия СІМ ұйымға болашақта төрағалық жасайтын бес елдің, атап айтсақ, қазіргі "үштік" - Испания, Финляндия, Греция , сондай-ақ, Қазақстан мен Литваның сыртқы істер министрлерінің кездесуін өткізуге абстама көтерді", -деді СІМ өкілі. Оның айтуынша, бұл шараның мақсаты "ЕҚЫҰ күн тәртібіндегі өзекті мәселелерді шешуде біртұтас көзқарастарды айқындау, сондай-ақ, болашақ төраға елдердің басымдықтарының сабақтастығын сақтау болып табылады".
"ЕҚЫҰ-ына төрағалық жасайтын елдер "квинтеті" отырысының күн тәртібіне ЕҚЫҰ іс-қызметінің өзекті мәселелері, соның ішінде Ауған тақырыбы, лаңкестікпен күрес, төзімділік және алаламаушылық мәселелері енгізілген", - деді Е. Ашықбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.