ҚР СІМ Қазақстан азаматтарын Газа секторынан көшіру мәселелерін дәйектеуде
ҚР СІМ Қазақстан азаматтарын Газа секторынан көшіру мәселелерін дәйектеуде
Астана. 30 желтоқсан. "Қазақстан Бүгін"- ҚР СІМ Қазақстан азаматтарын Газа секторынан көшіру мәселелерін дәйектеуде. Бұл туралы ҚР СІМ-нің баспасөз қызметінің жетекшісі Ілияс Омаров мәлім етті, деп хабарлайды агенттік тілшісі.
"Қазір Газа секторындағы Қазақстан азаматтарымен байланыс орнатылуда, олардың нақты саны анықталып жатыр, өйткені, олардың саны бұрын көп болған. Алдын-ала мәліметке сәйкес, қазір онда он бес адам бар. Бұл ақпарат нақтылану үстінде, сондай-ақ, олардың көшуге құлқы бар-жоқтығы нақтылануда, сонымен қатар СІМ көшіру мәселесін де дәйектеуде", -деді І. Омаров.
Оның айтуынша, ол жақта көбінесе кезінде осында оқу оқыған палестиналықтарға күйеуге шыққан Қазақстандық әйелдер бар. "Олардың бәрі де көшіп кетуге ниет білдіріп отырған жоқ, өйткені олар отбасыларын тастап кете алмайды",- деді ол.
Еске сала кетейік, БАҚ ақпаратына сәйкес, Израиль жағы сенбіге қараған түні Газа секторында "Құйылған қорғасын" операциясын бастаған. Reuters мәліметінше, израиль авиациясының шабуылдарының салдарынан 310 адам қаза тауып, 1430 адам жараланған, олардың басым бөлігі - бейбіт тұрғындар.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.