ҚР СІМ Қазақстан мен Иран арасында уран саудасы жайында келіссөздер жүргізілгені туралы ақпаратты жоққа шығарады
ҚР СІМ Қазақстан мен Иран арасында уран саудасы жайында келіссөздер жүргізілгені туралы ақпаратты жоққа шығарады
Астана. 30 желтоқсан. Kazakhstan Today - ҚР СІМ Қазақстан мен Иран арасында уран саудасы жайында келіссөздер жүргізілгені туралы ақпаратты жоққа шығарады, деп хабарлайды Kazakhstan Today ҚР СІМ-нің ресми өкілі Ержан Ашықбаевқа сілтеме жасап.
"Қазақстанның уран саласындағы барлық қызметі Халықаралық атом энергиясы агенттігінің режимі стандарттарына сәйкес жүргізіледі", - деді Е. Ашықбаев бұған дейін Associated Press таратқан ақпарат бойынша берген түсініктемесінде.
Ал Иранмен арада келіссөздер жүргізіліп жатыр ма деген сауалға ол : "Толық ақпаратты біз кейінірек береміз",- деп жауап берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.