АСТАНА. 20-ақпан. Kazakhstan Today. ҚР СІМ Марат Тәжин қазақстандық компаниялар мен капиталдың сыртқы рынокқа шығуы туралы шешімдер өзі басқаратын мекеменің тікелей қатысуымен қабылдануға тиіс деп санайды. Бұл туралы ол бүгін үкіметтің отырысы барысында мәлімдеді, деп хабарлайды Kazakhstan Today тілшісі.
"Басты айқындаушы бөлігі - салымдардың өзін-өзі ақтау жылдамдығы болып табылатын қазір етек алған сыртқы рыноктарға экспансия, ұлттық инвестициялық ресурстардың шектеулілігі мен мемлекеттің салмақты қатысуы, сондай-ақ, реципиент-елдердегі күрделі тәуекел факторларының болуы - міне, осының бәрі Қазақстанның экономикалық субьектілерінің сыртқы белсенділігін үйлестірудегі СІМ-нің шешуші ролін айқындап береді",- деді М.Тәжин.
Осыған байланысты министрдің пайымдауынша, "түрлі рыноктарға кіру туралы, ірі инвестициялар туралы, шетелдермен экономикалық әріптестік конфигурацияларын құру туралы шешімдер СІМ мен оның шетелдердегі мекемелерінің тікелей қатысуымен қабылдануға тиіс". "Біз экономикалық субьектілердің шаруашылық іс-қызметіне араласпаймыз, бірақ, Қазақстан үшін зиянды болуы мүмкін кері әсерлер мен залал-зардаптар туралы, соның ішінде саяси зардаптар туралы да алдын-ала ескертіп, өзіміздің ұлттық мүддемізді қамтамасыз етуге біз міндеттіміз",- деді министр.
"Біз үкіметтің экономикалық блогы өкілдері мен жеке меншік кәсіпкерлік құрылымдармен бірлесіп шетелдік рыноктарға шығудың айқын стратегиясын жасауға дайынбыз. Ондағы мақсат - Қазақстан дипломатиясының отандық бизнестің мүддесін тиімді ілгерілету мен қорғау мүмкіндігіне қол жеткізу",- деді М.Тәжин. Ол сонымен бірге "бұл тек экономикалық тиімділікке ғана емес, сонымен бірге қауіпсіздікке де, біздің саяси міндеттемелеріміз бен ұзақ мерзімді ұлттық мүддемізге қатысы бар мәселе", деді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР СІМ қазақстандық компаниялар мен капиталдың сыртқы рынокқа шығуы туралы шешімдер өзі басқаратын мекеменің тікелей қатысуымен қабылдануға тиіс деп санайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.