ҚР СІМ Қырғызстанда террорлық әрекеттер ұйымдастырды деген күдікпен қазақстандық азаматтың ұсталғандығы туралы ақпаратты растады
ҚР СІМ Қырғызстанда террорлық әрекеттер ұйымдастырды деген күдікпен қазақстандық азаматтың ұсталғандығы туралы ақпаратты растады. Бұл туралы Kazakhstan Today агенттігінің тілшісіне ҚР СІМ ресми өкілі Асқар Ибдірахманов хабарлады.
Астана. 20 - қаңтар. Kazakhstan Today - ҚР СІМ Қырғызстанда террорлық әрекеттер ұйымдастырды деген күдікпен қазақстандық азаматтың ұсталғандығы туралы ақпаратты растады. Бұл туралы Kazakhstan Today агенттігінің тілшісіне ҚР СІМ ресми өкілі Асқар Ибдірахманов хабарлады.
Естеріңізге сала кетсек, бұрынырақ Қырғызстанның арнайы қызметі Бішкекте террорлық әрекеттер ұйымдастырды деген күдікпен үш қазақстандық азаматтың ұсталғандығы туралы хабарлаған болатын.
"Рас, қырғыз жағы Қазақстанның азаматын ұстағандығы туралы хабарлады. Ол Қырғыз Республикасының Қылмыстық заңымен қудаланатын қылмыс жасады деген күдікпен қамауға алынған",- деді А. Ибдірахманов.
Бірақ ол ҚР басқа азаматтарының ұсталғандығы туралы ақпаратты растамады. "Бізде мұндай ақпарат жоқ",- деп нақтылап өтті ол.
Ол сондай-ақ, Бішкектегі қазақстан елшісі өзіміздің азаматымызға құқық тұрғысынан қажетті көмек көрсететіндігін де атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.