АСТАНА. 2-наурыз. Kazakhstan Today. Қазақстан Республикасының сыртқы істер министрі Марат Тәжин бүгін Орталық Азия мемлекеттерінің сыртқы саяси ведомстволарының басшыларымен - Қырғыз Республикасынан Эднан Қарабаевпен, Тәжікстан Республикасынан Хамрахон Зариповпен, Өзбекстан Республикасынан Владимир Норовпен телефон арқылы сөйлесті, деп хабарлайды Kazakhstan Today тілшісі ҚР СІМ-нің баспасөз қызметіне сілтеме жасап.
ҚР СІМ басшысы өз әріптестерін мемлекет басшымыздың жуырдағы Қазақстан халқына арнаған жолдауының негізгі ережелерімен таныстырды.
Дипломаттар, сондай-ақ, екі жақты ынтымақтастықтың, ішкі өңірлік өзара ықпалдасу тетіктерінің өзекті мәселелерін, Орталық Азиялық өңірдегі жағдайды, 28 наурызда Астанада өтуі тиіс деп белгіленген ЕО - Орталық Азия елдерінің "үштік" форматындағы сыртқы істер министрлері деңгейіндегі кездесуге әзірлік мәселелерін талқылады, деп хабарлайды баспасөз қызметі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті