АЛМАТЫ. 1-қыркүйек. Kazakhstan Today. ҚР СІМ Қасымжомарт Тоқаев кеше Түрікменстан президенті Сапармұрат Ниязовпен кездесуде ел басшысына Қазақстанның Еуропадағы қауіпсіздік және ынтымақтастық жөніндегі ұйымына төрағалық жасау ниетіне қолдау көрсеткені үшін ризашылық білдірді, деп хабарлайды Kazakhstan Today тілшісі turkmenistan.ru сайтының ақпарат көзі - Мемлекеттік жаңалықтар қызметіне сілтеме жасап.
Кездесу барысында өзара мүдделілік тудыратын кең көлемді мәселелер топтамасы талқыланды. Тараптар екі жақты және халықаралық форматтағы ынтымақтастықтың қырлары туралы пікір алмасты.
Мемлекеттік жаңалықтар қызметінің хабарлауынша, кездесу барысында экономика, бірінші кезекте екі ел үшін бірдей стратегиялық бағыт болып табылатын отын-энергетикалық кешен саласындағы конструктивті әріптестікті нығайту қажеттігі атап көрсетілді. Түрікменстан мен Қытай арасындағы құбыр жобасын жүзеге асыру жайын талқылаған сұхбаттасушылар екі және көп жақты негізде тиімді ықпалдастыққа дайын екенін атап өтті. Осы орайда экспортық газ құбыры аумағы арқылы өтетін Қазақстанның транзиттік әлеуетінің айрықша маңызы атап өтілді.
Қазақстанның бас дипломаты Түрікменстан жетекшісіне Қазақстан президенті Нұрсұлтан Назарбаевтың жолдауы мен ыстық сәлемін жеткізді.
Сәлемді қабыл алған С.Ниязов Қазақстан мемлекет басшысына ақ тілектер айтып, түрікменстандықтардың қазақ халқымен ғасырлық достығын айрықша құрметтейтінін жеткізді.
Кездесуге Қазақстанның Түрікменстандағы елшісі Марат Атанов қатысты.
Сол күні ҚР СІМ Түрікменстандық әріптестерімен келіссөздер жүргізді. Онда ратификациялық хаттармен алмасу және тиісті хаттамаға қол қою рәсімдері өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР СІМ Түрікменстан президентіне Қазақстанның Еуропадағы қауіпсіздік және ынтымақтастық жөніндегі ұйымына төрағалық жасау ниетіне қолдау көрсеткені үшін ризашылық білдірді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.