ҚР Сингапурдегі Елшісі осы елдің Парламент спикерімен кездесті - баспасөз баяны
Сингапур Парламентінің спикері М. Палмер қазақстандықтарды Олимпиадада алған алтын медальдарымен құттықтады.
30 шілде күні Қазақстан Республикасының Сингапур Республикасындағы Елшісі Ерлан Баударбек-Қожатаев осы елдің Парламент спикері Майкл Палмермен (Michael Palmer) кездесті.
Сингапур Парламентінің спикері М. Палмер қазақстандықтарды Олимпиадада алған алтын медальдарымен құттықтады.
Бұл туралы ҚР СІМ баспасөз қызметінен мәлім етті.
Кездесу барысында Қазақстан мен Сингапур арасындағы парламентаралық ынтымақтастық және тиісті депутаттық достастық лигаларының қызметтерін жандандыру туралы мәселелер талқыланды. Осы сәтті пайдаланып, М.Палмер дзюдо, күрес, бокс және ауыр атлетика сияқты спорт түрлерiнде Қазақстан құрама командасының мүмкіндіктерін жоғары бағалап, қазақстандықтарды Олимпиадада алған алтын медальдарымен құттықтады.
Е.Баударбек-Қожатаев Парламент спикерін "Джуронг Интернэшнл" (Jurong International) сингапурлық корпорациясының Елбасы құжатта белгілеген Қазақстандағы инфраструктуралық жобаларға қатысуына байланысты Қазақстан Республикасы Президенті Н.И. Назарбаевтың "Илеуметтік-экономикалық жаңғырту - Қазақстан дамуының басты бағыты" атты Қазақстан халқына Жолдауының жүзеге асырылу барысымен таныстырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.