АСТАНА. 5 қаңтар. Kazakhstan Today. 2007 жылдың 3 қаңтарында Қазақстан Республикасы сыртқы істер министрі Қасым-Жомарт Тоқаев Испания Корольдігінің елшісі Саньтяго Чаморроны қабылдады. Дипломаттар түрлі саладағы ынтымақтастықтықтың даму мәселелері төңірегінде әңгімелесті. Бұл туралы агенттікке ҚР сыртқы істер министрлігінің баспасөз қызметі хабарлады.
Кездесу барысында Қазақстандық сыртқы істер ведомствосының басшысы ҚР президенті Нұрсұлтан Назарбаевтың Испания королі І-ші Хуан Карлосқа 2007 жылы Қазақстанға ресми сапармен келу туралы шақыруын жеткізді.
Өз кезегінде елші Испания сыртқы істер министрі Мигель Моратиностың жіберген 2007 жылыдың наурыз айында Мадридте өтетін орта табысты елдердің даму мәселелеріне арналған конференцияға шақыруын табыстады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР сыртқы істер министрі мен Испанияның Қазақстандағы елшісі екіжақты ынтымақтастық мәселелерін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.