Кубада ресми сапармен болған еліміз СІМ-нің орынбасары Қосылмау қозғалысының ХІҮ саммитіне қатысты
АСТАНА. 18-қыркүйек. Kazakhstan Today. ҚР СІМ-нің бірінші орынбасары Рахат Илиев басқарған еліміздің делегациясы 15-16-қыркүйекте ресми сапармен Куба Республикасында болды, деп хабарлайлы Kazakhstan Today тілшісі ҚР СІМ-іне сілтеме жасап.
Кубаға сапары барысында Р.Илиев Қосылмау қозғалысының ХІҮ саммитіне қатысты. Бұл ұйымға БҰҰ-ына мүше елдердің 61 проценті немесе 118 мемлекет мүше. Қазақстан бұл ұйымға Қытай, Бразилия, Мексика және бірқатар ТМД елдері секілді бақылаушы мәртебесімен біріккен.
Сапар барысында еліміз делегациясының жетекшісі Р.Илиев Кубаның бірқатар министрліктерімен екі жақты кездесулер өткізді. Куба СІМ-нің орынбасары Э.Родригеспен кездесуде екі жақты ынтымақтастық мәселелері талқыланды. Осы елдің СІМ қабырғасында өткен келіссөздердің қорытындысы бойынша Қазақстан-Куба СІМ арасындағы консультациялар туралы хаттамаға қол қойылды.
Қазақстан мен Куба арасындағы сауда-экономикалық байланыстар аясын кеңейту мәселесі Р.Илиев пен Кубаның инвестициялар және экономикалық ынтымақтастық істері жөніндегі министрлігінің басшылығымен кездесуде басты әңгіме өзегіне айналды. Сондай-ақ, Куба коммунистік партиясының хатшысы Фернандес Рамиреспен кездесу болды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.