Лаңкестікпен күрес ШЫҰ қызметіндегі маңызды бағыттарының бірі болып қала бермек - Назарбаев
Алматы. 1-маусым. Kazakhstan Today - Лаңкестікпен күрес ШЫҰ қызметіндегі маңызды бағыттарының бірі болып қала бермек. Бұл туралы бүгін Ташкентте ШЫҰ мүше мемлекеттер басшыларының Кеңесінде ҚР президенті Н.Назарбаев мәлім етті, деп хабарлайды Kazakhstan Today агенттігі ресми БАҚ сілтеме жасай отырып.
Н. Назарбаевтың айтуынша, терроризммен күрес ШЫҰ-ның қызметіндегі маңызды бағыттардың бірі болып табылады. "Бұл бағытта ШЫҰ-ның Өңірлік антитеррорлық құрылымы белсенді жұмыс істеуде. Қазақстанның ЕҚЫҰ-ға төрағалығын ескергенде, Өңірлік антитеррорлық құрылымның Атқарушы комитеті мен ЕҚЫҰ-ның Антитерорлық бөлімі арасындағы байланыстарды тереңдетудің жақсы мүмкіндігі бар", - деді Н. Назарбаев.
"ШЫҰ-ның Өңірлік антитеррорлық құрылымының БҰҰ Қауіпсіздік кеңесінің 1267 комитетімен және Контртеррорлық комитетімен, Интерполмен және БҰҰ аясында жұмыс істейтін Есірткі жөніндегі басқармамен және Орталық Азиялық өңірлік ақпараттық-үйлестіруші орталықпен іс жүзіндегі іс-қимылын кеңейту қажет", деп атап өтті
Президент, Контртеррорлық ынтымақтастықтың келісімшарттық-құқықтық базасын дамытудың маңызы зор екендігін атап көрсетті. "Қазақстан ШЫҰ-ға мүше мемлекеттер үкіметтері арасындағы Қылмыспен күрестегі ынтымақтастық туралы келісімге қол қойылғандығын қош көрді", - деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.