АСТАНА. 21-тамыз. Kazakhstan Today. Ливанға қазақстандық бітімгершілерді жіберу мәселесі әзірге қарастырылған жоқ. Өйткені бұл елде әлі де күрделі ахуал қалыптасып отыр. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Осы процеске белсене атсалысушы Франция секілді бірқатар Еуропа елдерінің өзі Ливанға өз бітімгершілерін жіберуге асықпай отыр, өйткені, ол үшін бірқатар шарттар орындалуы керек",- деді Е.Ашықбаев.
"Біз әрине, ахуалға мониторинг жүргізіп отырмыз. Дегенмен, қазіргі жағдаймен Ливанға қазақстандық бітімгершілерді жіберу мәселесі әзірге қарастырылған жоқ",- деді ол.
"Қазір ҚР СІМ Ливанға қайырымдылық көмек жіберу мәселесін қарап жатыр",- деді Е.Ашықбаев.
Ливанға қазақстандық бітімгершілерді жіберу мәселесі әзірге қарастырылған жоқ - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.