Лондонда грузин бизнесмені Бадри Патаркацишвили қайтыс болды
Лондонда грузин бизнесмені Бадри Патаркацишвили қайтыс болды
Тбилиси. 13 ақпан. "Қазақстан Бүгін" - Сейсенбі күні кешке Лондонда грузин бизнесмені Бадри Патаркацишвили қайтыс болды, деп хабарлайды агенттік тілшісі.
"Біздің Грузия" партиясының мүшесі, танымал шахматшы Нона Гаприндашвилидің Тбилисиде хабарлағанындай, кәсіпкердің өліміне жүрек ақауы себеп деген алдын-ала жорамал айтылуда.
"Біздің Грузия" партиясының мүшелері Лондондағы Патаркацишвилидің туыстарымен байланысқа шыға алмауға байланысты әзірге оқиғаның егжей-тегжейі беймәлім.
Б. Патаркацишвили Грузиядағы ең бай адамға саналады. 2007 жылдың қараша айында елдегі саяси ахуалдың ушығуына және Патаркацишвилиге тиесілі "Имеди" телеарнасының қиратылуынан кейін грузин билігі кәсіпкерді мемлекеттік төңкеріс жасауға әрекеттенді деп айыптаған болатын.
Бұдан кейін Б. Патаркацишвили елдің саяси өміріне араласуға және "Біздің Грузия" партиясын құруға ниетін білдірген.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.