АСТАНА. 26-маусым.Kazakhstan Today. 27-29 маусымда Лондонда "Kazakhstan Growth Forum Қазақстан: өсудің жаңа көкжиектері" деп аталатын конференция өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Конференцияға 600-ден астам жеке және мемлекеттік құрылымдар, халықаралық ұйымдар және БАҚ, сондай-ақ қазақстандық жеке сектор өкілдері қатысады . Осы конференцияға қатысып, баяндама жасайтындығын бүгінге дейін Лондон Ситидің Лорд Мэрі Дж.Статтард, ЕДҚБ-нің президенті Ж.Лемьер, Қазақстан-Британ Қоғамының төрағасы Лорд Фрейзер мырзалар қуаттады. Қазақстаннан бұл шараға қазақстандық жеке секторының өкілдік делегациясы күтілуде.
Конференцияны Қазақстанның саяси-экономикалық, инвестициялық климаты, заңнамалық және салық базасын негізі, мұнай мен газ, қаржы секторы, жылжымайтын мүлік және құрылыс, металлургия, электроэнергетика, көлік және инфрақұрылым, агрокәсіптік кешені секілді экономиканың барлық секторларының даму мүмкіндіктерімен танысуға мүмкіндік беретін 3 күндік іс-шара түрінде өткізу жоспарлануда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Лондонда "Kazakhstan Growth Forum" атты конференция өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.