Лукашенко Қазақстанда өтетін ҰҚШҰ бейресми саммитіне қатысады
Болжанып отырғандай, келіссөздер барысында халықаралық күн тәртібінің көкейкесті мәселелері, сонымен қатар ҰҚШҰ кеңістігіндегі ахуал талқыланады.
Алматы. 11-тамыз. Kazakhstan Today - Лукашенко Қазақстанда өтетін ҰҚШҰ бейресми саммитіне қатысады, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Беларусь президенті Александр Лукашенко 11 тамызда Қазақстан Республикасына ресми сапармен келіп, Қазақстанда өтетін, ҰҚШҰ мемлекет басшыларының ресми емес кездесулері мен бейресми саммитіне қатысады. Бұл туралы БЕЛТАға Беларусь Басшының баспасөз қызметі хабарлаған.
Болжанып отырғандай, келіссөздер барысында халықаралық күн тәртібінің көкейкесті мәселелері, сонымен қатар ҰҚШҰ кеңістігіндегі ахуал талқыланады.
Қазақстандағы сапары аяқталғаннан кейін Александр Лукашенко Катар мемлекетіне ресми сапармен барады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.