Лукашенко мен Медведев екі елдің қарым-қатынасын дамыту туралы декларацияға қол қойды
Лукашенко мен Медведев екі елдің қарым-қатынасын дамыту туралы декларацияға қол қойды
Алматы. 23 маусым. "Қазақстан Бүгін" - Ресей президенті Дмитрий Медведевтің Беларусь еліне сапарының қорытындысы бойынша екі мемлекет басшысы Дмитрий Медведев пен Александр Лукашенко екі елдің қарым-қатынасын дамыту, ұжымдық қауіпсіздік жүйесі мен гуманитарлық байланыстарды нығайтуды бағдар етіп алған бірлескен декларацияға қол қойды, деп хабарлайды агенттік тілшісі Ресейдің "Новости" ақпараттық агенттігіне сілтеме жасап.
Декларацияда атап көрсетілгеніндей, Кедендік одақты құруға, біртұтас тарифтік және тарифтік емес саясат жүргізуге, өзара сауда-саттықты тежеп отырған кедергілерді жоюға бағытталған қарқынды жұмыстар жүргізіледі.
Ресей мен Беларусь сондай-ақ Екінші дүниежүзілік соғыстың қортындысына ревизия жүргізуге бағытталған талпыныстарды айыптады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.