Мәскеуде 22 ақпанда ТМД мемлекет басшыларының бейресми саммиті өтеді
Мәскеуде 22 ақпанда ТМД мемлекет басшыларының бейресми саммиті өтеді
Мәскеу. 11 ақпан. "Қазақстан Бүгін" - Ресей президенті Владимир Путиннің бастамасымен Мәскеуде 22 ақпанда ТМД мемлекет басшыларының бейресми саммиті өтеді, деп хабарлайды Қазақстан Бүгін тілшісі ТМД Атқару комитетіне сілтеме жасап.
ТМД Атқару комитетінің хабарлауынша, бейресми саммитке шақыру барлық ТМД мемлекет басшыларына жолданды. Олардың кейбірі келісімін берді.
Атап айтсақ, 20 ақпанда Қазақстан президенті Нұрсұлтан Назарбаевтың Мәскеуге ресми сапары басталады. ҚР СІМ-нің ақпаратына сәйкес, екі ел жетекшілерінің келіссөздеріне еуразиялық қоғамдастық тақырыбы өзек болмақ. 22 ақпанда Нұрсұлтан Назарбаев бе ресми саммитке қатысады.
Сонымен бірге, Грузия президенті Михаил Саакашвили РФ бірінші вице-премьері Сергей Ивановпен кездесуде саммитке міндетті түрде келетінін мәлімдеді. "Мен өзімнің қатысатынымды растадым, міндетті түрде келіп, бірінші кезекте Ресей президенті В.Путинмен әңгіме-дүкен құратын боламын",- деді ол.
ТМД Атқару комитетінің агенттік тілшісіне хабарлауынша, "галстуксіз өтетін" саммиттің күн тәртібі алдын-ала белгіленбейді.
Сарапшылардың бағалауынша, президенттер биліктен кеткелі жатқан В. Путин мен барлық болжам бойынша ізбасар деп саналған Дмитрий Медведевпен амандасу үшін келмекші.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.