АСТАНА. 16-шілде. Kazakhstan Today. Мәскеуде ертең, 17-шілдеде ЕурАзЭҚ Интеграциялық комитетінің кезекті отырысы өтеді, деп хабарлайды Kazakhstan Today тілшісі.
Бүгін Астанада өткен брифингте ҚР СІМ-нің баспасөз хатшысы Ілияс Омаровтың хабарлағанындай, кездесу барысында ЕурАзЭҚ Интеграциялық комитетінің бұған дейінгі отырысының шешімдерін орындау мәселелері талқыланады.
Сонымен бірге, І. Омаровтың айтуынша, Кедендік одақтың құқықтық базасын қалыптастыруға қажетті құжаттарды дайындау барысына қатысты мәселелер мен ЕурАзЭҚ аясындағы ықпалдастыққа қатысты басқа да өзекті мәселелер талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мәскеуде ертең ЕурАзЭҚ Интеграциялық комитетінің кезекті отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.