Мәскеуде Шанхай ынтымақтастық ұйымына мүше елдер өкілдері Ауғанстан жөніндегі арнайы конференциясының жайын талқылайды
Мәскеуде Шанхай ынтымақтастық ұйымына мүше елдер өкілдері Ауғанстан жөніндегі арнайы конференциясының жайын талқылайды
Астана. 12 қаңтар. "Қазақстан Бүгін" - Мәскеуде 14 қаңтарда Ауғанстан жөнінде арнайы конференциясының мазмұндық және ұйымдастыру мәселелерін қарастыру мақсатында арнайы қызмет өкілдерінің қатысуымен Шанхай ынтымақтастық ұйымына мүше елдер сыртқы істер министрлері орынбасарларының кедесуі өтеді. Конференциға Қазақстан тарапынан Сыртқы істер министрі орынбасары Н.Ермекбаев бастаған делегация қатыспақ. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Терроризммен, есірткінің заңсыз айналымымен және ұйымдасқан қылмыспен күрес мәселелерін қарастыратын арнайы халықаралық конференция мүше және бақылаушы мемлекеттер, Ауғанстан мәселесіне қатысты халықаралық ұйымдар және Ауғанстанның қатысуымен алдағы наурыз айында өтеді деп жоспарлануда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.