МИНСК. 19-наурыз. Kazakhstan Today. Мәскеуде ертең, 20-наурызда ТМД экономикалық кеңесінің жанындағы экономикалық мәселелер жөніндегі комиссияның отырысы өтеді. Бұл туралы Kazakhstan Today тілшісіне ТМД атқару комитетінен хабарлады.
Отырыста бұрындары қабылданған құжаттарға өзгерістер мен толықтырулар енгізу туралы хаттамалардың жобасы қаралады. Атап айтсақ, 1992-жылдың 13-наурызында қол қойылған "Стандарттау, метрология және сертификаттау салаларында келісілген саясат жүргізу туралы келісім"; 1995-жылдың 10-ақпанында қол қойылған "Метрологиялық аттестациялау мен тексеру мақсатында тасымалданатын нормативтік құжаттар, эталондар, өлшем құралдары мен стандартты үлгі-нұсқаларды алып өтуге арнаулы рұқсаттар беру, салық пен кедендік баж салықтарынан босату жөніндегі келісім"; 1993-жылдың 12-наурызында қол қойылған "Ұлы Отан соғысы ардагерлері мен мүгедектеріне және олармен теңестірілген тұлғалардың жеңілдікпен жүріп-тұру құқығын өзара мойындау туралы келісімдерге" енгізілетін өзгерістердің жобасы қаралады.
Комиссия отырысының күн тәртібіне сонымен бірге ТМД-ға қатысушы елдерде 2010-жылға дейін ауылшаруашылығы техникасы, машиналар мен механизмдердің лизингтік жүйесін дамыту шараларының жобасы туралы және химия және мұнайхимиясы саласындағы ынтымақтастық жөніндегі үкіметаралық кеңестің іс-қызметі туралы талқыланады.
Сонымен бірге отырыста ТМД-ға қатысушы елдердің сарапшыларының еркін сауда аймағының жұмыс істеу мәселелеріне арналған 2007-жылғы 20-21-ақпандағы кеңесінің қорытындысын, бұған қоса экономикалық ынтымақтастық департаментінің ТМД аясындағы сыртқы экономикалық алыс-берістегі тауар номенклатурасын Тауарларды сипаттау және оларға код тағайындау жөніндегі өзара үйлестірілген жүйеге сәйкестендіру жөніндегі жазбаша ақпаратты талқылау жоспарланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мәскеуде ТМД экономикалық кеңесінің жанындағы экономикалық мәселелер жөніндегі комиссияның отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.