Мәскеуде ТМД елдерінің ұлттық БАҚ-тарының III форумы ашылды
Мәскеуде ТМД елдерінің ұлттық БАҚ-тарының III форумы ашылды
Мәскеу. 2 желтоқсан. "Қазақстан Бүгін" - Мәскеуде ТМД елдерінің ұлттық БАҚ-тарының III форумы ашылды, деп хабарлайды агенттік тілшісі ТМД-ға қатысушы елдердің мемлекетаралық гуманитарлық ынтымақтастық қорының баспасөз қызметіне сілтеме жасап.
Баспасөз қызметінің ақпаратына сәйкес, 1 желтоқсан, дүйсенбіде Мәскеуде ТМД елдерінің ұлттық БАҚ-тарының III форумы ашылды. Оған "Тәуелсіз Мемлекеттер Достастығының БАҚ-тары мен гуманитарлық әлеуеті" тақырыбы арқау болған.
III форумның бағдарламасында "Посткеңестік кеңістік: өзгермелі әлемдегі тұрақты ақпараттық серіктестік. Гуманитарлық аспект" тақырыбында жалпы отырыс пен баспа БАҚ-тар, радио және телевидение, ақпараттық агенттіктер мен интернет-басылымдар тақырыбындағы секциялық жұмыстар, дөңгелек үстелдер, ашық пікір алмасатын пікірсайыстар, Мәскеу мен ТМД елдерін қосатын бейнекөпірлер өткізу жоспарланған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.