Мәскеуде Ұлы Отан соғысындағы Жеңістің мерейтойын мерекелеу аясында Қазақстан президенті бірқатар кездесулер өткізді
Астана. 11 мамыр. Kazakhstan Today - Мәскеуде Ұлы Отан соғысындағы Жеңістің мерейтойын мерекелеу аясында Қазақстан Републикасының президенті Нұрсұлтан Назарбаев мемлекет басшыларымен: ҚХР басшысы - Ху Цзиньтаомен, Ресей басшысы - Дмитрий Медведевпен, Вьетнам басшысы - Минь Чиет Нгуенмен, Словакия басшысы - Иван Гашпаровичпен, Эстония басшысы - Томас Хендрик Ильвеспен, Болгария басшысы - Георги Пырвановпен, Армения басшысы - Серж Саргсянмен, Изербайжан басшысы - Ильхам Алиевпен, Израиль басшысы - Шимон Переспен және Германия Федералдық канцлері - Ангела Меркельмен кездесулер өткізді, деп хабарлайды Kazakhstan Today президенттің баспасөз қызметіне сілтеме жасап.
Баспасөз қызметінің ақпаратына сәйкес, мемлекет басшысы Нұрсұлтан Назарбаев сондай-ақ, Ұлы Отан соғысындағы Жеңістің 65 жылдығына арналған әскери парадқа, сондай-ақ Белгісіз жауынгердің зиратына гүл шоқтарын қою рәсіміне қатысты.
Мәскеудегі салтанатты іс-шараларға ТМД және бірқатар шет ел мемлекеттерінің басшылары қатысты. Қызыл алаңмен антигитлерлік коалицияның және ТМД-ға мүше мемлекеттердің, соның ішінде Қазақстанның әскери бөлімдері жүріп өтті.
Бұған қоса, президенттің баспасөз қызметінің хабарлауынша, Қазақстан Республикасының президенті Нұрсұлтан Назарбаев Тәуелсіз Мемлекеттер Достастығына мүше мемлекеттер басшыларының бейресми саммитіне қатысты.
Кездесуге Ресей Федерациясының президенті Дмитрий Медведев, Армения Республикасының Президенті Серж Саргсян, Беларусь Республикасының Президенті Александр Лукашенко, Молдова Республикасы Президентінің міндетін атқарушы Михай Гимпу, Тәжікстан Республикасының президенті Эмомали Рахмон, Түрікменстан президенті Гурбангулы Бердымухаммедов, Украина президенті Виктор Янукович, сондай-ақ Өзбекстан Республикасының премьер-министрі Шавкат Мирзиёев қатысты. Саммит барысында көптарапты ынтымақтастықтың кең көлемдегі мәселелері талқыланды.
Баспасөз қызметінің ақпаратына сәйкес, Қазақстан Республикасының президенті Нұрсұлтан Назарбаев 8 мамырда Мәскеуде Ұжымдық қауіпсіздік шарты ұйымына мүше мемлекеттер басшыларының бейресми кездесуіне қатысты.
Кездесуге Ресей Федерациясының президенті Дмитрий Медведев, Беларусь Республикасының президенті Александр Лукашенко, Армения Республикасының Президенті Серж Саргсян, Тәжікстан Республикасының президенті Эмомали Рахмон, сондай-ақ Өзбекстан Республикасының премьер-министрі Шавкат Мирзиёев қатысты. Бейресми саммит барысында ҰҚШҰ аясындағы қауіпсіздік және ынтымақтастық мәселелері талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.