Мәскеуде Ұжымдық қауіпсіздік шарты ұйымының "Шеп-2008" жаттығуларының екінші кезеңі өтуде
Мәскеуде Ұжымдық қауіпсіздік шарты ұйымының "Шеп-2008" жаттығуларының екінші кезеңі өтуде
Алматы. 30 шілде. "Қазақстан Бүгін" - Ұжымдық қауіпсіздік шарты ұйымы елдерінің бірлескен командалық-штабтық "Шеп-2008" жаттығуларының екінші кезеңі Мәскеуде ҰҚШҰ бірлескен штабында өтуде, деп хабарлайды "Қазақстан Бүгін" агенттігінің тілшісі Ресейдің "Новости" ақпарат агенттігіне сілтеме жасай отырып.
"Екінші кезең барысында агрессиялық акт жасалуы мүмкін ұйымға мүше мемлекетке әскери және әскери-техникалық көмек көрсету мәселелерін пысықтау керек", - деді ҰҚШҰ бас хатшысының орынбасары Валерий Семериков.
Оның айтуынша, заң жүзінде бұл мәселе 2007 жылдың қазан айында шешіліп қойған. Ол кезде ҰҚШҰ ұйымына мүше мемлекет басшылары Душанбеде өткен саммитте қандайбір басқыншылық қаупі туындаған немесе агрессия жасалған кезде ҰҚШҰ мүше мемлекетке әскери-техникалық көмек көрсету механизмі жөніндегі хаттамаға қол қойған болатын.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.