АСТАНА. 11-маусым. Kazakhstan Today. 13-15 маусым аралығында Қазақстанға Ауғанстан Ислам Республикасының бірінші вице-президенті Ахмад Зия Масуд бастаған делегациясы келеді, деп күтілуде. Бұл туралы бүгін брифингте Қазақстан Республикасының Сыртқы істер министрлігінің ресми өкілі Ержан Ашықбаев мәлім етті, деп хабарлайды Kazakhstan Today агенттігінің тілшісі.
"Делегация құрамына Ауғанстанның мемлекеттік органдарының басшылары мен іскер тобы кіреді",- деді Е. Ашықбаев. "Екі жақ келіссөздер барысында саяси ынтымақтастық, экономикалық өзара ықпалдастық, аймақтық бірігу, қауіпсіздік, есірткі өндірумен және таратумен, халықаралық терроризммен күрес мәселелерін талқылайды",- деп қосты ол.
Сыртқы саясат мекемесінің өкілдері, Қазақстан мен Ауғанстан арасындағы екіжақты ынтымақтастықтың негізгі саласы сауда, ауыл шаруашылығы, энергетика, транспорт, геология, білім және денсалулық сақтау саласы болып табылатындығын атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Маусымның ортасында Қазақстанға Ауғанстанның бірінші вице-президенті келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.