Мәжіліс депутаттары ЕҚЫҰ Парламенттік ассамблеясының қысқы сессиясына қатысады
Мәжіліс депутаттары ЕҚЫҰ Парламенттік ассамблеясының қысқы сессиясына қатысады
Астана. 20 ақпан. "Қазақстан Бүгін" - Қазақстан парламенті мәжілісінің депутаттары ЕҚЫҰ Парламенттік ассамблеясының қысқы сессиясына қатысады, деп хабарлайды агенттік мәжілістің баспасөз қызметіне сілтеме жасап.
"Қазақстан парламенті мәжілісінің депутаттары Вена қаласында 2008 жылдың ақпан айының 21 мен 22 күндері өтетін ЕҚЫҰ Парламенттік ассамблеясының қысқы жетінші сессиясына қатысады ", -деп хабарлайды баспасөз қызметі.
Қысқы жетінші сессияның жұмысы үш ортақ комитеттің отырысымен басталады, онда Австрия Ұлттық кеңесінің төрайымы Барбара Праммер мен ЕҚЫҰ-ның қазіргі төрағасы Илкки Канерваның жолдауы тыңдалады.
Мәжіліс депутаты Нұрбақ Рүстемов саяси және қауіпсіздік мәселелері жөніндегі жалпы комитеттің отырысына қатысса, оның әріптесі Светлана Бычкова - демократия, адам құқықтары және гуманитарлық мәселелер жөніндегі жалпы комитеттің отырысына қатысады.
22 ақпанда жалпы комитеттердің біріккен жиналысы өтеді, оған қатысушылар Косоводағы ахуал секілді саяси мәселелерді талқылайды.
ЕҚЫҰ Парламенттік ассамблеясының қысқы жетінші сессиясының бағдарламасы ЕҚЫҰ Парламенттік ассамблеясының төрағасы Йоран Леннмаркердің қорытынды сөзімен аяқталады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.