АСТАНА. 11-наурыз. Kazakhstan Today. Мәжіліс спикері бастаған қазақстандық парламентшілер Ұлыбританияға сапармен барады. Сапар наурыздың 18 мен 21 аралығына межеленген. Бұл туралы Kazakhstan Today агенттігіне мәжіліс аппаратының баспасөз қызметінен хабарлады.
Мәжіліс төрағасы Орал Мұхамеджанов пен Ұлыбританияның Қазақстандағы төтенше және өкілетті елшісі Пол Браммелдің бүгін Астанада өткен кездесуінде Қазақстан мен Ұлыбритания арасындағы саяси диалог пен парламентаралық ынтымақтастықты одан әрі дамыта нығайту қажеттігі атап көрсетілді.
Өз кезегінде елші парламентшілердің Ұлыбританияға жасайтын алдағы сапары екі жақ үшін де жемісті болады дегенге сенім білдірді. П.Браммелдің пайымдауынша, сапар тек парламентаралық байланыстарды байытып қана қоймай, сонымен бірге Қазақстан мен Ұлыбритания арасындағы өзара тиімді сауда-экономикалық ынтымақтастық аясын кеңейтуге, соның ішінде Қазақстан нарығының инвестициялық тартымдылығын арттыра түсуге де қызмет етпек.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мәжіліс спикері бастаған қазақстандық парламентшілер Ұлыбританияға сапармен барады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.