Мәжіліс төрағасы Түркия елшісін қабылдады
Түркия Қазақстанның тәуелсіздігін бірінші мойындаған мемлекет, осы жылдар ішінде бейбітшілік пен халықаралық қауіпсіздікті нығайту бағытындағы еліміздің барлық бастамаларына қолдау көрсетіп келеді, деп хабарлайды ҚазАқпарат агенттігі.
Астана. 5-сәуір. Kazakhstan Today - Бүгін ҚР Парламенті Мәжілісінің Төрағасы, "Нұр Отан" ХДП Төрағасының Бірінші орынбасары Нұрлан Нығматулин Түркияның Қазақстан Республикасындағы Төтенше және Өкілетті Елшісі Лале Үлкер ханыммен кездесті, деп хабарлайды Kazakhstan Today агенттігінің тілшісі.
Түркия Қазақстанның тәуелсіздігін бірінші мойындаған мемлекет, осы жылдар ішінде бейбітшілік пен халықаралық қауіпсіздікті нығайту бағытындағы еліміздің барлық бастамаларына қолдау көрсетіп келеді, деп хабарлайды ҚазАқпарат агенттігі.
Сұхбаттасушылар екі ел арасындағы қарым-қатынастың стратегиялық маңызын айта келіп, Қазақстан мен Түркия Президенттерінің мемлекетаралық ынтымақтастықты жоғары деңгейге көтеруінің арқасында байланыстар барлық сала бойынша жан-жақты даму үстінде екенін тілге тиек етті.
ҚР Парламенті Мәжілісінің Төрағасы Нұрлан Нығматулин өз сөзінде ел Президенті Нұрсұлтан Назарбаевтың тек Қазақстан мен Түркия ғана емес, барша түркі әлемінің байланысын арттырудағы ерекше рөлін атап өтті. "Мемлекет басшысының сындарлы саясатының арқасында Қазақстан мен Түркия арасындағы, сондай-ақ түркі тілдес елдерді тұтас алғанда, саяси-экономикалық, мәдени байланыс жыл сайын нығая түсіп, жаңа белеске көтеріліп келеді",- деді Мәжіліс Төрағасы.
Нұрлан Нығматулин мен Лале Үлкер қос мемлекет арасындағы стратегиялық әріптестіктің маңызды бір саласы болып табылатын парламентаралық ынтымақтастықты дамыту жайлы ортақ пікір білдірді.
Сондай-ақ сұхбат барысында "Нұр Отан" халықтық-демократиялық партиясы мен Түркияның "Иділеттілік және өркендеу" партиясы арасындағы өзара белсенді байланыстары туралы әңгіме өрбіді.
Тараптар алдағы уақытта екі елге де тиімді ынтымақтастық байланысты дамыту қажеттігі жөнінде сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.