Медведев Назарбаевқа екі ел арасындағы тауар айналымының төмендеу проблемасын талқылауды ұсынды
Медведев Назарбаевқа екі ел арасындағы тауар айналымының төмендеу проблемасын талқылауды ұсынды
Алматы. 11 қыркүйек. Kazakhstan Today - Ресей президенті Дмитрий Медведев Қазақстан президенті Нұрсұлтан Назарбаевқа екі жақты кездесуде Орынборда ашылатын Өңіраралық ынтымақтастық форумының жұмысына қатысты мәселелер мен екі ел арасындағы қарым-қатынасқа қатысты мәселелерді талқылауды ұсынды, деп хабарлайды Kazakhstan Today ИТАР-ТАСС-қа сілтеме жасап.
"Біздің өңірлердегі әріптестеріміз тұрақты байланыста жұмыс істеуде, екі жақты тауар айналымының айтарлықтай бөлігі - 70 - 75% - өңіраралық байланыстардың үлесінде", - деді Д. Медведев. "Бұл бізді жақындата түседі, стратегиялық ынтымақтастыққа негіз қалайды", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.