Медведев Назарбаевті ЕҚЫҰ саммитін сәтті өткізгендігімен құттықтады
Өткен аптада соңында Ресей президенті Дмитрий Медведев ҚР президенті Нұрсұлтан Назарбаевпен телефон арқылы сөйлесті, деп хабарлайды Kazakhstan Today агенттігінің тілшісі РФ президентінің баспасөз қызметіне сілтеме жасай отырып.
Алматы. 6 - желтоқсан. Kazakhstan Today - Өткен аптада соңында Ресей президенті Дмитрий Медведев ҚР президенті Нұрсұлтан Назарбаевпен телефон арқылы сөйлесті, деп хабарлайды Kazakhstan Today агенттігінің тілшісі РФ президентінің баспасөз қызметіне сілтеме жасай отырып.
Баспасөз қызметінің хабарлауынша, Д. Медведев Н. Назарбаевті 11 жылдан кейін ЕҚЫҰ мүше мемлекетердің елбасылары мен үкімет басшыларының кездесуін өте жақсы, әрі сәтті өткізгендігімен құттықтаған.
Н. Назарбаев өз кезегінде Ресейдің 2018 жылы футболдан әлем чемпионатын өткізу құқығын алғандығымен құттықтады.
әңгіме барысында тағы да бірқатар өзекті өңірлік және халықаралық мәселелер талқыланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.