АСТАНА. 9-қараша. Kazakhstan Today. Мемлекет басшысы Нұрсұлтан Назарбаев 29-қараша мен 1-желтоқсан аралығында тұңғыш рет ресми сапармен Иорданияға барады. Бұл туралы Иордания Хашимиттер Корольдігінің премьер-министрі Мааруф Бахитпен кездесуден кейін өткен баспасөз мәслихатында еліміздің үкімет басшысы Даниал Ахметов хабарлады.
"29-қараша мен 1-желтоқсан аралығында президент Нұрсұлтан Назарбаев тұңғыш рет ресми сапармен Иорданияға барады. Ал осы жолғы сапар біздің ықпалдастығымызды бекіте түсуге мықты негіз қалайды",- деді Д.Ахметов.
Ол сонымен қатар Иордания үкімет басшысының сапары аясында бүгін Елордасында екі елдің іскертоп өкілдерінің қатысуымен бизнес-форум өткізілетіндігін хабарлады. Қазақстан мен Иорданияның сауда-өнеркәсіптік палаталары арасындағы ынтымақтастық туралы келісімге қол қойылмақшы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекет басшысы 29-қараша мен 1-желтоқсан аралығында ресми сапармен Иорданияға барады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.