АСТАНА. 21-қыркүйек. Kazakhstan Today. Бүгін мемлекет басшысы Нұрсұлтан Назарбаев Беларусь Республикасының Қазақстандағы төтенше және өкілетті елшісі Василий Гапеевтен сенім грамотасын қабылдады, деп хабарлайды Kazakhstan Today тілшісі.
Н. Назарбаевпен кездесуден кейінгі брифингте елші Қазақстанның жоғары қарқынмен дамып келе жатқандығын атап көрсетті. Ол "Беларусь экономикалық дамудың кейбір бағдарламалары бойынша сіздердің елдеріңізден үлгі алады", - деді.
В.Гапеев сондай-ақ екі жақты қатынастардың одан әрі дами беретініне үміт артты. "Таяу уақытта Қазақстан мен Беларусь өзара тауар алмасу көлемін ұлғайтулары керек, - деді ол. - Осы жылғы жеті айдың ішінде Қазақстаннан Беларусь еліне шығарылған экспорт 2,2 есе, импорт 1,5 есе өсті".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекет басшысы Беларусь Республикасының Қазақстандағы төтенше және өкілетті елшісінің сенімхатын қабылдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.