Мемлекет басшысы Дмитрий Медведевке Ресей Федерациясы президенті сайлауында жеңіске жетуіне байланысты құттықтау жолдады
Мемлекет басшысы Дмитрий Медведевке Ресей Федерациясы президенті сайлауында жеңіске жетуіне байланысты құттықтау жолдады
Астана. 3 наурыз. "Қазақстан Бүгін" - Мемлекет басшысы Нұрсұлтан Назарбаев Дмитрий Медведевке оның Ресей Федерациясы президенті сайлауында сенімді жеңіске жетуіне байланысты құттықтау жолдады, деп хабарлайды агенттік тілшісі президенттің баспасөз қызметіне сілтеме жасап.
"Ресей халқы Сіздің кандидатураңызға дауыс бере отырып, елдің әлеуетін тиімді жүзеге асыруға бағытталған салиқалы саясаттың жалғасуын таңдады. Сіз ресейліктердің қолдауына сүйене отырып, экономикалық өсуді, әлеуметтік игіліктерді одан әрі қамтамасыз ету, Ресей Федерациясындағы саяси тұрақтылықты сақтау және халықаралық беделін нығайту үшін біліміңізді, күш-жігеріңіз бен тәжірибеңізді жұмсайтыныңызға сенімдімін, - делінген жолдауда.
Нұрсұлтан Назарбаев Қазақстан Ресей үшін сенімді дос және стратегиялық әріптес болғанын және болып қалатынын атап өтті. Қазақстан президенті Д.Медведевтің Ресей президенті лауазымындағы қызметі алдағы уақытта да бұрын қол жеткізілген уағдаластықтарды және біздің мемлекеттеріміз арасындағы сенімді өзара тығыз қатынастарды нығайтуды дәйекті жүзеге асыруға бағытталатынына сенім білдірді.
Мемлекет басшысы Д.Медведевке игіліктер мен жаңа табыстар, ал бауырлас Ресей халқына бейбітшілік пен гүлдену тіледі, деп хабарлайды баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.