Мемлекет басшысы Нұрсұлтан Назарбаевтың Біріккен Араб Имірліктеріне жұмыс сапары басталды
Мемлекет басшысы Нұрсұлтан Назарбаевтың Біріккен Араб Имірліктеріне жұмыс сапары басталды
Астана. 30 қазан. Kazakhstan Today - Мемлекет басшысы Нұрсұлтан Назарбаевтың Біріккен Араб Имірліктеріне жұмыс сапары басталды, деп хабарлайды Kazakhstan Today ресми БАҚ-тарға сілтеме жасап.
Бұдан бұрын да хабарлағанымыздай, мемлекет басшысы Нұрсұлтан Назарбаев жұмыс сапарымен Біріккен Араб Имірліктеріне барады. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті.
"Қазақстан президенті Нұрсұлтан Назарбаев қарашаның 1 мен 3 аралығында Абу Дабидің тақ мұрагері, ханзада, Біріккен Араб Имірліктері қарулы күштері бас қолбасшысының орынбасары шейх Мухаммед бен Заид аль Нахаянның шақыруымен жұмыс сапарымен Біріккен Араб Имірліктеріне барады", - деді І. Омаров.
Оның айтуынша, сапар барысында екі елдің саяси және сауда-экономикалық салалардағы ынтымақтастығының мәселелері талқыланады. "Кездесу қорытындысы бойынша бірқатар келісімдерге қол қойылады", - деді І. Омаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.