Мемлекет басшысы президенттің өкілеттілігі мерзімін жеті жылдан бес жылға дейін қысқартуды ұсынды
АСТАНА. 16-мамыр. Kazakhstan Today. Мемлекет басшысы Нұрсұлтан Назарбаев бүгін парламент палаталарының бірлескен отырысында Конституцияға енгізілетін түзетулерді таныстыру барысында президенттің өкілеттілігі мерзімін жеті жылдан бес жылға дейін қысқартуды ұсынды, деп хабарлайды Kazakhstan Today тілшісі.
"Бұл норма 2012-жылдан кейін күшіне енеді",- деді президент. "Біз өзіміздің демократияға қарай жасайтын қадамдарымыздың бекемдігін паш етуге тиіспіз",- деді Н.Назарбаев.
Президент бұған қоса парламент мәжілісінің сайлауын таза партиялық тізім бойынша өткізуді және мәжіліс депутаттарының санын 30 адамға, сенат депутаттарының санын 8 адамға арттыруды ұсынды. Бұл ретте депутаттардың бір бөлігі Қазақстан халықтары ассамблеясымен келісу негізінде ұсынылады, деді президент.
Мемлекет басшысының ұсынысы бойынша парламент палаталарының бірлескен отырысы "аса маңызды мәселелер бойынша ғана" шақырылатын болды. Сонымен бірге еліміздің Ата заңынан парламент депутаты императивтік мандатпен байланысты емес деген норма алынды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.