АЛМАТЫ. 18 - мамыр. Kazakhstan Today. Ресей Федерациясының Федералдық жиынының Мемлекеттік думасы Қазақстан аумағында орналасқан полигондарды пайдалану туралы бірқатар хаттамаларды бекітті. Бұл туралы Мемлекеттік думаның бұқаралық ақпарат құралдарымен өзара ықпалдастық және бұқарамен байланыс жөніндегі басқарманың хабарламасында айтылған.
Атап айтқанда, Мемлекеттік дума Қазақстан Республикасы мен Ресей Федерациясы арасындағы 1995 жылдың 20-қаңтарындағы Сары Шаған сынақ полигонын пайдалану мен жалға беру шарттары туралы және Эмба сынақ полигонын жалға беру туралы келісімдерге өзгерістер мен толықтырулар енгізу туралы хаттамаларды бекітті.
Сонымен қатар, Қазақстан Республикасы мен Ресей Федерациясы арасындағы 1995 жылдың 20-қаңтарындағы Ресей Федерациясының Қорғаныс министрлігінің 4-ші Мемлекеттік орталық полигоны мен 929-шы Мемлекеттік жазғы-сынақ орталығын пайдалану тәртібі туралы келісімге өзгерістер мен толықтырулар енгізу туралы хаттамасын бекітті.
"Барлық төрт хаттаманы Ресей президентінің тапсырмасымен Мемлекеттік думада Қорғаныс министрлігінің халықаралық әскери ынтымақтастық жөніндегі бас басқармасы бастығының бірінші орынбасары Альберт Дружинин, ТМД істері және отандастармен байланыс жөніндегі комитеттің атынан Василий Тетерин таныстырды",- делінген хабарламада.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекеттік дума Қазақстан аумағында орналасқан полигондарды пайдалану туралы бірқатар хаттамаларды бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.