АСТАНА. 9-сәуір. Kazakhstan Today. Мемлекеттік хатшы Оралбай Ибдікәрімов Италияның Қазақстан Республикасындағы төтенше және өкілетті Елшісі Бруно Антонио Паскуиноны қабылдады, деп хабарлайды Kazakhstan Today агенттігі президенттің баспасөз қызметіне сілтеме жасап.
"Біздің елдеріміз арасында экономикалық, сондай-ақ саяси және мәдени салаларда жылы достық қарым-қатынастар орнаған. Италия Қазақстандағы ірі инвесторлардың бірі болып табылады", - деді О.Ибдікәрімов кездесудің ашылуында.
Кездесу барысында екіжақты ынтымақтастықтың ахуалы және оны дамытудың келешегі талқыланды.
"Мен осы елдің саяси элитасына, іскер топ өкілдеріне және барша қазақстандықтарға менің еліме көрсеткен достық ілтипаты үшін ризашылығымды білдіремін. Италияның және итальяндықтардың Қазақстанға деген ықыласы да сондай. Біздің елдеріміз арасында өзгелерге үлгі боларлықтай өте жақсы экономикалық қарым-қатынас орнатылды. Италия жыл сайын өз инвестициясын арттырып келеді, және де қазірдің өзінде Қазақстан экономикасына бір миллиард еуро көлемінде тікелей инвестиция салды. Инвестициялар көлемі бұдан әрі де арта берері сөзсіз", - деді Б.Паскуино журналистерге арналған брифингте.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекеттік хатшы мен Италияның Қазақстандағы елшісі екі жақты ынтымақтастықты дамыту мәселесін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.