Мемлекеттік хатшы Швейцарияның Қазақстандағы елшісін дипломатиялық миссиясының аяқталуына байланысты қабылдады
"Сіз Қазақстанда елші болып қызмет еткен жылдарда шын мәнінде біздің еліміздің үлкен досына айналдыңыз. Қазақстан мен Швейцарияның арасындағы барлық деңгейдегі қарым-қатынастар өте биік сатыға көтерілді",-деді М. Құл-Мұхаммед.
Астана. 21-қараша. Kazakhstan Today - Бүгін Ақордада ҚР Мемлекеттік хатшысы Мұхтар Құл-Мұхаммед Швейцария конфедерациясының Қазақстандағы Төтенше және өкілетті елшісі Стефан Нелленді еліміздегі дипломатиялық миссиясының аяқталуына байланысты қабылдады, деп хабарлайды Kazakhstan Today агенттігінің тілшісі.
"Сіз Қазақстанда елші болып қызмет еткен жылдарда шын мәнінде біздің еліміздің үлкен досына айналдыңыз. Қазақстан мен Швейцарияның арасындағы барлық деңгейдегі қарым-қатынастар өте биік сатыға көтерілді",-деді М. Құл-Мұхаммед.
Мемлекеттік хатшының атап өтуінше, С. Неллен Қазақстанға елші болып келген кезде екі елдің арасындағы сауда-экономикалық қарым-қатынастар 1 млрд. доллардың шамасында болса, бүгінде ол 5 есеге дейін өсіп, 5 млрд. АҚШ долларын құрады.
"Осының барлығында да Сіздің үлесіңіз бар. Сіздер Италия, Қытай, Нидерланды сияқты мемлекеттерден кейінгі Қазақстанның төртінші үлкен сауда әріптесіне айналдыңыздар",-деді Мемлекеттік хатшы.
Сондай-ақ, ол Елбасы Нұрсұлтан Назарбаевтың атынан дипломатқа екіжақты қарым-қатынастардың дамуына қосқан елеулі үлесі, Қазақстанның маңызды сыртқы саяси акцияларында, әсіресе Қазақстанның ЕҚЫҰ-ға төрғалық ету кезеңіндегі белсенді қызметі үшін алғыс білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.