Мысырда бірнеше ондаған қазақстандық студенттер қалды
Мысырда бірнеше ондаған қазақстандық студенттер қалды, деп хабарлайды Kazakhstan Today агенттігінің тілшісі.
Астана. 8 - ақпан. Kazakhstan Today - Мысырда бірнеше ондаған қазақстандық студенттер қалды, деп хабарлайды Kazakhstan Today агенттігінің тілшісі.
BNews.kz. агенттігінің хабарлауынша, бірнеше оңдаған қазақстандық студент Мысыр аумағында қалуға ниет білдірген. Бұл туралы бүгін брифингте ҚР СІМ ресми өкілі Асқар Абдрахманов мәлім етті.
"Мысырда бірнеше оңдаған студент бар, олардың барлығы әр түрлі себептерге (көбіне жеке сипаттағы) байланысты Каирде қалуға ниет білдірді", - деді А.Абдрахманов.
"Каирдегі біздің елшіліктің ақпаратына сай, жұмыс штаттық тәртіпте жүргізіліп жатыр. Елшілікте 7 қызметкер бар, оның 5-уі техникалық құрам қызметкерлері. Мысырда қалуға ниет білдірген біздің азаматтармен елшілік тұрақты түрде байланыс орнатты. Егер кімде-кім елді тастап кетуге ниет білдірсе, олардың өз бетінше шығуына қолдау шаралары жүргізіліп жатыр", - деді А.Абдрахманов.
ҚР СІМ ресми өкілінің айтуынша, Мысырдағы жағдай "өте күрделі және СІМ Қазақстан азаматтарына осы мемлекетке сапар жасаудан бас тартуға кеңес береді".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.