Молдова 2009 жылы республиканың ТМД-ға төрағалық жасау бағдарламасын таныстырады
Молдова 2009 жылы республиканың ТМД-ға төрағалық жасау бағдарламасын таныстырады
Минск. 29 қаңтар. "Қазақстан Бүгін" - Тәуелсіз Мемлекеттер Достастығының Минск қаласындағы бас пәтерінде 30 қаңтарда Молдова 2009 жылы республиканың ТМД-ға төрағалық жасау бағдарламасын таныстырады, деп хабарлайды агенттік тілшісі ТМД Атқару комитетінің баспасөз қызметіне сілтеме жасап.
Бұдан бұрын да хабарлағанымыздай, Тәуелсіз Мемлекеттер Достастығының барлық басты органдарына 2009 жылы Молдова төрағалық жасайды.
Баспасөз қызметінің ақпаратына сәйкес, Тәуелсіз Мемлекеттер Достастығының тарихында алғаш рет биылдан бастап Мемлекет басшыларының кеңесі, Үкімет басшыларының кеңесі, Сыртқы істер министрлерінің кеңесі, Экономикалық кеңес, Тұрақты өкілдер кеңесі мен Экономикалық мәселелер жөніндегі кеңестерге бір жыл бойы бір ел ғана төрағалық жасайтын болады. 2009 жылы Молдова Республикасы осындай төрағалық жасайтын мемлекет болмақ.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.