Н. Бордюжа мен Х. Зарифи Ұжымдық қауіпсіздік шарты ұйымының ЕҚЫҰ және ШЫҰ-мен ықпалдастығын талқылады
Н. Бордюжа мен Х. Зарифи Ұжымдық қауіпсіздік шарты ұйымының ЕҚЫҰ және ШЫҰ-мен ықпалдастығын талқылады
Душанбе. 15 сәуір. "Қазақстан Бүгін" - Тәжікстан сыртқы істер министрі Хамрохон Зарифи мен Ұжымдық қауіпсіздік шарты ұйымының бас хатшысы Николай Бордюжаның кездесуінде Ұжымдық қауіпсіздік шарты ұйымының шеңберіндегі ынтымақтастықтың келешегі талқыланды, деп хабарлайды агенттік "Азия-Плюс" ақпараттық агенттігіне сілтеме жасап.
Тәжікстан СІМ-нің хабарлауынша, кездесуде Ұжымдық қауіпсіздік шарты ұйымының шеңберіндегі екі жақты ынтымақтастық мәселелері талқыланды. Сонымен бірге тараптар өңірлік ынтымақтастық, Ұжымдық қауіпсіздік шарты ұйымының ЕҚЫҰ және ШЫҰ-мен ықпалдастығын талқылады. Байланысты нығайту және Ауғанстан аумағындағы бітімгершілік күштерге қолдау көрсету мәселелеріне баса назар аударылды.
Бүгін түстен кейін Н. Бордюжа Тәжікстан президенті Эмомали Рахмонмен кездеседі деп күтілуде, олар Мәскеуде өтетін Ұжымдық қауіпсіздік кеңесінің сессиясы мен ұйымға мүше елдердің мемлекет басшыларының Душанбеде өткен саммитінің шешімдерін орындау мәселелерін талқылайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.