Н. Назарбаев пен У Банго Қазақстан-Қытай ынтымақтастығының мәселелері талқылады
Н. Назарбаев пен У Банго Қазақстан-Қытай ынтымақтастығының мәселелері талқылады, деп хабарлайды Kazakhstan Today агенттігінің тілшісі.
Астана. 22 - ақпан. Kazakhstan Today - Н. Назарбаев пен У Банго Қазақстан-Қытай ынтымақтастығының мәселелері талқылады, деп хабарлайды Kazakhstan Today агенттігінің тілшісі.
Президенттің баспасөз қызметінің хабарлауынша, елбасы ҚХР Халық өкілдері Бүкілқытайлық жиналысы Тұрақты комитетінің Төрағасы У Бангомен кездесу өткізген. Кездесуде Қазақстан-Қытай ынтымақтастығының мәселелері талқыланды.
"Сіз, Мемлекет басшысы ретінде, әлемнің кез-келген елінде аса зор құрметке иесіз. Біз үшін Сіз - аса қадірлі доссыз. Біздің елде сізге ерекше құрметпен қарайды. Сіз Қытай-Қазақстан қарым-қатынастарын дамыту үшін өте көп жұмыстар жасадыңыз. Және осы жолы да Сіз үлкен өкілетті делегацияны бастап келдіңіз. Мен Сіздің сапарыңыз, құрметті Президент мырза, зор табыспен аяқталып, біздің серіктестігіміздің дамуына жаңа серпін беретініне сенемін", - деп атап өтті У Банго.
"Құрметті Қытай Халық Республикасының Халық өкілдері Бүкілқытайлық жиналысы Тұрақты комитетінің Төрағасы, Сізге маған деген шынайы қарым-қатынасыңыз үшін алғысымды айтамын. Сіздің ыстық ықыласыңыз және Қытай Халық Республикасының Төрағасы Ху Цзиньтао мырзаның ыстық ықыласы біздің халықтарымыздың достығын нығайта түседі. Біздің қарым-қатынастарымыз одан әрі нығаятынына және дами беретініне сенемін. Тәуелсіздігіміздің 19 жылы ішінде мен Қытайға 15 рет сапармен келдім", - деп атап өтті Мемлекет басшысы.
Естеріңізге сала кетсек, кеше Н. Назарбаев үшкүндік жұмыс сапарымен Қытайға келген болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.