Нарын-Сырдария бассейнінің елдері су пайдалану тәртібін қатайтуға көшті
Нарын-Сырдария бассейнінің елдері су пайдалану тәртібін қатайтуға көшті
Алматы. 10 қыркүйек. "Қазақстан Бүгін" - Нарын-Сырдария бассейнінің елдері су пайдалану тәртібін қатайтуға көшті. Бұл туралы бүгін Алматыда Нарын-Сырдария бассейнінің су-энергетикалық ресурстарын тиімді пайдалану жөнінде Қазақстан, Қырғызстан мен Өзбекстанның энергетика саласы мен ауылшаруашылығы министрліктерінің өкілдерінің қатысуымен өткен үш жақты талқылау барысындағы үзіліс кезінде ҚР Ауылшаруашылығы министрлігінің су ресурстары комитетінің төрағасы Анатолий Рябцев мәлім етті, деп хабарлайды агенттік тілшісі.
"Қуаңшылық бір жыл ғана болмайды. Су мол болатын уақыт 4-5 жылға созылса, содан кейінгі 4-5 - жыл қуаңшылық болады. 2002 - 2007 жылдар біз үшін қолайлы жылдар болды. Ал қазір қуаңшылық кезеңі басталды, сол себепті біз суды пайдалану ережелерін күшейту жөнінде бірлескен шараларды дәйектеп жатырмыз", - деді А. Рябцев.
"Біз егістіктерді азайту бағытында жұмыс жүргізудеміз. Биылдың өзінде Қызылордада күрішті 18 мың гектарға аз аумаққа ектік. Соған қарамастан, өткен жылғыдан жоғары түсім жинадық. Аз аумақтан мол түсім алу есебінен біз шығындарды толтыра аламыз деп сенемін", - деді А. Рябцев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.