Назарбаев пен Эштон Қазақстан мен ЕО арасындағы сауда-экономикалық қарым-қатынастарды дамытудың келешегін талқылады
Кездесу барысында серіктестік пен ынтымақтастықтың ауқымды аясында Қазақстан мен ЕО арасындағы сауда-экономикалық қарым-қатынастарды нығайту және одан әрі дамыту келешегі талқыланды.
Астана. 30-қараша. Kazakhstan Today - Мемлекет басшысы Нұрсұлтан Назарбаев Еуропалық Одақтың сыртқы істер және қауіпсіздік саясаты жөніндегі Жоғары өкілі - Еуропалық Комиссияның вице-президенті Кэтрин Эштонды қабылдады, деп хабарлайды Kazakhstan Today агенттігінің тілшісі.
Кездесу барысында серіктестік пен ынтымақтастықтың ауқымды аясында Қазақстан мен ЕО арасындағы сауда-экономикалық қарым-қатынастарды нығайту және одан әрі дамыту келешегі талқыланды.
Тараптар халықаралық күн тәртібіндегі, Ауғанстандағы жағдайды қоса алғанда, жаһандық және аймақтық қауіпсіздік мәселелерін қарастырды.
Қазақстан Президенті әңгімелесу біздің еліміз бен ЕО арасындағы қарқынды саяси диалогтың жалғасы болып саналатынын атап көрсетті.
Кэтрин Эштон Қазақстанда өте көтеріңкі көңіл-күйде жүргенін айтып өтті.
- Бүгін Сізбен кездесу мен үшін - үлкен мәртебе. Бұл менің Астанаға алғашқы, ал Қазақстанға екінші сапарым. Астанаға келген әр адам оның сәулетіне таңданбай тұра алмайды. Мен көптеген ғимараттың әлі салынып жатқанын байқадым. Бұл қала дамуының жалғасып жатқанының дәлелі, - деді К.Эштон.
К.Эштон ЕО Қазақстанды БСҰ-ға кіру жөніндегі келіссөздер процесінде, сондай-ақ Қазақстан Президентінің аймақтық интеграция жөніндегі бастамаларын қолдайтынын атап өтті.
Еуропалық Одақ алты жыл қатарынан Қазақстанның негізгі сауда және инвестициялық серіктесі болып келеді. 1993-2012 жылдар аралығанда ЕО елдерінің Қазақстан экономикасына тікелей инвестициясының түсімі 70 миллиард АҚШ долларын құраған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.