Назарбаев пен Путин екі елдің 2007-2008-жылдарға арналған бірлескен іс-шаралар жоспарын бекітті
АСТАНА. 10-мамыр. Kazakhstan Today. Қазақстан президенті Нұрсұлтан Назарбаев пен Ресей президенті Владимир Путин Астанада бүгін екі елдің 2007-2008-жылдарға арналған бірлескен іс-шараларының жоспарын бекітті, деп хабарлайды Kazakhstan Today тілшісі.
Бұл құжатта екі мемлекеттің қысқа мерзімді перспективадағы бірлескен жұмыстарының негізгі параметрлері көрсетілген. "Құжатта екі жақтан атқарылатын жұмыстардың басты бағыттары, жүзеге асыратын мерзімі мен жауапты атқарушылар айқындалған",- деді Н.Назарбаев Ресей президентімен кездесу барысында.
Жоспарда энергетика, көлік, шекаралық ынтымақтастық, ғарыш кеңістігін бейбіт мақсатта зерттеу және игеру, Байқоңыр кешенін пайдалану саласындағы ынтымақтастықты одан әрі ілгерілету шаралары мен әскери-техникалық ынтымақтастық шаралары қамтылған.
Атап айтсақ, жоспарға сәйкес 2007-жылы екі ел арасында дипломатиялық байланыс орнауының 15 жылдық мерейтойына орай бірлескен шаралар өткізу; 2007-жылдан кейінгі мерзімге арналған экономикалық ынтымақтастық бағдарламасына қол қоюға әзірлеу және оны жүзеге асыру жоспарын жасау; 2007-жылғы күзде Новосибирскіде екі елдің мемлекет басшыларының қатысуымен Қазақстан мен Ресейдің шекаралық аймақтары жетекшілерінің форумын дайындап өткізу; 2008-жылы Ресей мен Қазақстанның іскертоп өкілдерінің форумын өткізу межеленген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.