Назарбаев пен Путин Пекинде өткен кездесуде екі жақты қатынастарды дамытуға ниет білдірді
Назарбаев пен Путин Пекинде өткен кездесуде екі жақты қатынастарды дамытуға ниет білдірді
Алматы. 8 тамыз. "Қазақстан Бүгін" - Қазақстан президенті Нұрсұлтан Назарбаев пен Ресей үкімет басшысы Владимир Путин Пекинде өткен кездесуде екі жақты қатынастарды дамытуға ниет білдірді, деп хабарлайды агенттік тілшісі ИТАР-ТАСС ақпараттық агенттігіне сілтеме жасап.
"Біз қарым-қатынастың мықты негізін қаладық, сіздің бағдарыңызды сақтап қалуға мүмкіндік болғанына мен қуаныштымын", - деп атап өткен Н. Назарбаев, жаңа қызметте В.Путинмен жоғары деңгейдегі кездесулерді жалғастыра беруге ниет білдірді.
В. Путиннің мәліметінше, өткен жылы Қазақстан мен Ресей арасындағы тауар айналымы $16,5 млрд құрады, ал биылғы өсім 30% жақындады. РФ премьер-министрі екі жақты қарым-қатынастардың одан әрі дами түскеніне қуанышты екенін айтты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.